Maće snano w přichodźe naležnosć we wobydlerskim zarjedźe, stawnistwje abo přemysłowym zarjedźe zrjadować a chceće hišće čas lutować? Tak wužiwajće nowy onlinowy serwis. Termin po wašej protyčce póndźelu abo štwórtk jednorje přez internet pod www.terminland.eu/www.am-klosterwasser.de knihować. Jeli pak nimaće móžnosć, sebi termin online zawěsćić, potom skića so wopyt po wutorach, ale dyrbiće z čakanskim časom ličić.
|
Wuběr rěčow:
 
/ WITAJĆE / Wozjewjenja
|
|
 Wozjewjenja Gmejnska radaKontaktyWjesne dźěleWustawkiZapis dróhowTowarstwaWappenImpresum a škit datow
|
Zjawne wupołoženje naćiska wobtwarjenskeho plana "Přemysłowy park při jězoru" Za wobłuk ležownosće 132 / 1 w Smječkecach Přichodna gmejnska zhromadźizna wotměje so srjedu, dnja 04.12.2024.Dnjowy porjad. Zjimanje wobzamknjenjow namakaće pod rjadowakom "gmejnska rada".
Gmejnski zarjad je 18.11. a 22.11.2024 zawrjeny.
Přeprošenje na adwentničku Wažene seniorki, waženi seniorojo, gmejna Worklecy přeprošuje Was wutrobnje na tradicionalnu adwentničku pjatk, dnja 06.12.2024 do Worklečan sportoweje hale. Wot 11:00 do 14:00 hodź chcemy zabawne předhodowne hodźinki dožiwić. Po zhromadnym wobjedze předstaji dr. Beno Wałda w přednošku Lejpold. Z organizatoriskich přičin prosymy Was, so hač do wutory 26.11.2024 w gmejnskim zarjedźe přizjewić (telefonisce pod 96342 abo přez mejlku gemeinde[at]raeckelwitz.de). Wjeselu so na Waš wopyt
Clemens Poldrack wjesnjanosta
zawrjenje mosta
Móst mjez Worklecami a Lejpoldom přez "Klóštersku wodu" dyrbi so z wěstotnych přičin za jězdźidłowy wobchad zawrěć. Inženjerski běrow zwěsći při přepruwowanju mosta njedostatki. Kolesowarjo a pěškojo smědźa móst dale wužiwać. Wotpowědne wobchadowe znamješka so nastaja. Wobydlerjow Njeswačanskeje dróhi we Worklecych prosymy, tony za wotpadki k wuprózdnjenju sobu při Hłownej dróze wotstajić. Gmejna prócuje so wo sporjedźenje mosta w lěće 2025.
Clemens Poldrack
Informacija k zwyšenju zakładneho dawka
Informacija k zwyšenju staršiskich přinoškow
Informacija k parkowanju při M.-Hórnikowej-dróze we Worklecach
Budyski wokrjes: měrjenske jězdźidło po puću  Projekt "Digitale Integrationsplattform für Straßendaten" (DIS) dźe do přichodneje fazy. Digitalizacija dróhowych syćow wšěch 57 gmejnow Budyskeho wokrjesa je daloko postupowała, nětko je na to natwarjace wobjězdźenje pućow na rjedźe.^ Wot aprila 2024 su specielne měrjenske jězdźidła firmy LEHMANN + PARTNER GmbH z Erfurta zasadźene, kotrež su na př. z kamerami z wysokim rozpušćenjom a wšelakimi laserowymi skenerami wuhotowane. Tute jěźdźidła wuměrja w přichodnych měsacach wjace hač 4.500 km pućow digitalnje. Přez wužiwanje wysoko rozpušćenych a georeferncowanych wobrazow a datow ze skenowanja z laserom dóstanu zarjadnistwa dokładny a wěrny wobraz jich infrastruktury, tak mjenowaneho "digitalneho dwójnika". Z pomocu tutych datow zwěsća so wšitke informacije, kotrež su za digitalizaciju prawnisce trěbneje lisćiny dróhoweho wobstatka njeparujomne. Při wobjězdźenju dróhow so datoškitne postajenja konsekwentnje dodźerža. Z wosobami zwisowace daty kaž mjezwoča a znački jězdźidłow so awtomatisce wotcuzbnja. Firma LEHMANN + PARTNER GmbH wjeseli so na zhormadne dźěło z městami.
Onlinowa protyčka
Zwoprawdźenje naprawow po směrnicach "Digitalneje šule" na Serbskej zakładnej a wyšej šuli "Michał Hórnik"Přidźělenje słuži k tomu, wutworić a polěpšić digitalnu technisku infrastrukturu a wuwučowansko-wuknjensku infrastrukturu na šulach. Předmjet spěchowanja je natwar, rozšěrjenje abo polěpšenje digitalneho splećenja zapřijejo šulski server, natwar njewjazaneho přistupa k syći, pakazki interaktiwnych nastrojow kaž displayjow a interaktiwnych taflow z k tomu słušacymi wodźenskimi nastrojemi; digitalne dźěłanske nastroje, wosebje za technisko-přirodowědomostne kubłanje abo na powołanske wukubłanje wusměrjene kaž desktop-kompjutery při dźěłowym městnje, na šulu wjazane laptopy, notebooki a tablety jako kónčne mobilne nastroje. Tute naprawy spěchuja so na zakładźe wobzamknjenja Němskeho zwjazkoweho sejma a so sobu financuja z dawkowych srědkow na zakładźe wot Sakskeho krajneho sejma wobzamknjeneho hospodarskeho plana.
 Cyłodnjowske poskitki w šuliSerbska zakładna w wyša šula "Michał Hórnik" we Worklecach poskića cyłodnjowske poskitki. Tole su wučbu dospołnjace, podpěrace a wothladowace poskitki. Naprawa financuje so sobu z dawkowymi srědkami na zakładźe hospodarskeho plana, wobzamknjeneho wot zapósłancow sakskeho krajneho sejma. |